بحضور حكيم.. أبرز اللقطات من عزاء الإعلامي عاطف كامل
حرص العديد على حضور عزاء الإعلامي الراحل عاطف كامل، الذي أقيم في كنيسة مارمرقس، حيث أصر محبو الراحل على تقديم الدعم لعائلته ومساندتهم، منهم الفنان حكيم الذي قدم واجب العزاء لأسرته.
جنازة عاطف كامل
وودعت كارول ابنة الإعلامي عاطف كامل، والدها الراحل بكلمات مؤثرة أثناء تشييع جنازته في كنيسة القديس مار مرقس، وحرص المشيعين في الجنازة على مواساتها وتهدأتها.
وانهارت ابنة عاطف كامل في جنازة والدها، حيث قالت: وفاته صدمة كبيرة علينا وعلى العيلة وكل اللي بيحبه، لكن ده أكتر وقت ربنا عايزه فيه، بالرغم إننا فقدنا حد لمس حياتنا في كل حاجة، وشغله في القنوات هينقصه، بس السما هتزيد.
بالإضافة إلى حديث نجل عاطف كامل عن والده، معلقًا: كنت أنا وأختي بنروح معاه الشغل ونقعد نشوف اللي بيعمله، وأكتر حاجة لاحظتها إن تفكيره كان مختلف وطريقته مع الناس كانت مميزة، عشان كده كل الناس كانت بتحبه، ولو فيه أي مشكلة كان بيدخل يحلها، وكانت علاقته بالناس جميلة.
وتابع: لما روحنا أمريكا كان دايمًا على تواصل معانا وبيحاول يكلمنا طول الوقت، وكان بيفرح بأي حاجة بتحصل في حياتنا، أنا كنت محظوظ، وفي آخر سنة جيت مصر مرتين وقعدت معاه وروحنا الغردقة، وهو كان عنده قصص نقعد بالساعات نسمعها، اللي لاحظته إنه دايمًا كان يأكد على أي غلطة عملها في حياته عشان أنا متعملهاش ويفهمني.
سبب وفاة عاطف كامل
سبق وكشفت منى ريمون طليقة عاطف كامل الأولى، سبب وفاة الراحل، وكتبت عبر حسابها بموقع فيس بوك: لتوضيح الأمور.. عاطف كامل كان مريض قلب، وهو توفى بسبب تأثره بعد حكم في قضية رفعتها عليه طليقته من الزواج الثاني.. أنا انفصلت عن أبو أولادي من عام 2009، وجيت بالأولاد أمريكا ومنذ ذلك الوقت علاقتنا معه كان فيها كل ود احترام ولم يكن بيننا أي قضايا ربنا يرحمه ويعزينا.
