كنت بكسب من بيع المناديل 10 آلاف جنيه شهريًا.. أقوال علياء قمرون أمام جهات التحقيق| خاص
كشفت التحقيقات في قضية اتهام التيك توكر علياء قمرون، بنشر محتوى خادش للحياء على مواقع التواصل الاجتماعي، تفاصيل نشأتها الاجتماعية، وسبب إقدامها على تقديم محتوى على مواقع التواصل الاجتماعي، والأرباح التي حققتها من الفيديوهات المنشورة على صفحاتها الشخصية.
نص تحقيقات علياء قمرون
ويستكمل القاهرة 24 نشر نص التحقيقات في قضية علياء قمرون والتي جاءت كالآتي:
وبسؤالها هل استمر عملك في هذا المجال؟
ج: اشتغلت عاملة نظافة لمدة 6 شهور من شهر يونيو 2024 حتى يناير 2025 وبعد كده بعت مناديل وولاعات وبارفانات لحد ما سبت الشغل ده في مارس 2020 واشتغلت في التيك توك.
س: وما هو الدخل الذي كنت تحققيه من عملك في المستشفى وبيع تلك المنتجات؟
ج: كان بيدخلي من المستشفى في الشهر 3000 جنيه شيفت لمدة 3 ساعات، وكنت بكسب من بيع الحاجات دي حوالي ما بين 7000 جنيه لـ10000 جنيه.
س: وما سبب تركك لذلك العمل والاتجاه لنشر المحتوى من خلال التيك توك؟
ج علشان لقيت فيه رزق أكثر وأنا كنت عاوزة أجهز نفسي علشان أتجوز.
س: وما هي حالتك الاجتماعية؟
ج: أنا مخطوبه بقالي 8 شهور لواحد مطلق وعنده 3 بنات اسمه محمود بس معرفش حاجة عن اسمه غير كده وهو شغال شيف في مطعم بيتزا في اسكندرية وهو اتقدملي وخالي اللي قابلة وقرا الفاتحة معاه.
س: وما هو مؤهلك التعليمي؟
ج: أنا معايا دبلوم صنايع قسم زخرفة.
س: ومن الذي كان يتولى أعمالك؟
ج: أبويا اللي كان بيصرف عليا لحد قبل ما أسيب البيت.
س: ومن الذي تولى إعالتك في مراحل تعليمك؟
ج: أبويا.
س: هل كنت تمتهنين أي عمل أثناء فترة تعليقك؟
ج: لا أبويا اللي كان بيصرف عليه.
س: وما هي ممتلكاتك؟
ج: معنديش أي ممتلكات غير الفلوس اللي في محفظة.
س وما هي ممتلكات والدك؟
ج: أبويا عنده شقة ملك عند شارع البحر، البر الشرقي بجوار مسجد خطاب في تلا بمحافظة المنوفية.
س: ومتى آلت تلك الوحدة السكنية لوالدك ومصدر تحصله على الأموال التي أنفقها لشرائها؟
ج: هو وارثها عن جدي.
