هعمله عملية عشان يشوف.. طبيب عيون يكشف لـ القاهرة 24 تفاصيل فحوصات صاحب تريند الشيبسي | خاص
شهدت الساعات الماضية لفتة إنسانية مؤثرة تجاه الحاج سلامة عبده، المعروف إعلاميًا بـ صاحب تريند الشيبسي، وذلك بعد تداول قصته التي أثارت تعاطف عدد كبير من رواد مواقع التواصل الاجتماعي.
طبيب عيون يكشف لـ القاهرة 24 تفاصيل فحوصات صاحب تريند الشيبسي
وقال الدكتور معاذ عطيتو طبيب وجراح عيون في تصريحات خاصة لـ القاهرة 24: اتضح من اللايف إن عم سلامة عنده مشاكل بالعينين، وباين إن عنده ضمور في العين اليمنى وده بيأثر جدًا على شكل الوجه.
وتابع: واتضح إن عنده عين واحدة معتمد عليها في الرؤية وممكن العين دي تكون ضعيفة، هعمله فحص شامل للعينين ولو وافق يعمل تركيب عين صناعية تجميلية نعملهاله، وكمان نفحص العين الشمال اللي معتمد عليها في الرؤية، ونفسي يشوف بـ رؤية أفضل ونفسيته تتحسن وهنسق زيارة في أقرب وقت علشان نفحص عم جمال فيها.
وأضاف جراح العيون: وعلشان أنا من الأقصر من الصعيد، هنحاول ننسق زيارة خاصة لأحد مراكز العيون الكبرى في أقرب وقت علشان نفحصه، وإن شاء الله ربنا يشفيه ويعافيه.
