عمرو أديب يشن هجوما على مرتضى منصور بسبب أزمة أرض الزمالك
هاجم الإعلامى عمرو أديب المستشار مرتضى منصور رئيس نادي الزمالك الأسبق، بسبب أزمة سحب أرض أكتوبر نادى الزمالك، لافتا إلى أن مرتضى هو المتسبب فى الأزمة.
عمرو أديب يشن هجوما على مرتضى منصور بسبب أزمة أرض الزمالك
أضاف عمرو أديب، خلال تصريحات تليفزيونية: مجلس نادي الزمالك الحالي جاء بعد مجلس دمار وديون، مجلس مرتضى منصور، واللي قدم البلاغ في الأرض هو المعزول مرتضى منصور وهو وعياله اللي دمروا النادي، وأنا مش بخاف منه، مرتضى منصور واخد لقب مرسي ونهايته هتبقى زي مرسي، بيقول إنه آخر رئيس منتخب للنادي.
وواصل: مجلس نادى الزمالك اللى موجود حاليا وارث تركة ثقيلة جدا وفساد وديون ولازم نعذرهم هم عايزين يقفوا على رجليهم، قطعة أرض الزمالك أمل النادي والمستقبل وهي تنمية لمرفق رياضي، ومرتضى منصور لازم ينتهي.. ودانا في ستين داهية وخان النادي والجمهور وحط سكينة في ضهر النادي، مرتضى منصور فكرة ييجب أن تموت وأنا وراه.
واستطرد عمرو أديب: من أخطاء محمود خطيب الكبرى إنه اتنازل عن سجن مرتضى اللى هيتسجن تاني ونادي الزمالك هو اللي هيعيش، النادي مرفق من مرافق الدولة وله جماهير ومشجعين، مرتضى اتهم الدولة المصرية إنها زورت انتخابات مجلس النواب.. هتعملوله حاجة ولا هو مسنود، مين بيسند مرتضى منصور.
