أول تعليق من والد بائعي المانجو: بيشتغلوا خلال الإجازة عشان يساعدوني في المصاريف

تصدر فيديو لبائعي مانجو بالإسكندرية تريند منصات التواصل الاجتماعي خلال الساعات القليلة الماضية، بعد ظهورهما يقدمان كيلو من المانجو لأحد الزبائن مقابل جنيه واحد، ما لاقى تفاعلا واسعا عبر منصات السوشيال ميديا. 

أول تعليق من والد بائعي المانجو

وقال والد بائعي المانجو بالإسكندرية في تصريحات خاصة لـ القاهرة 24: عيالي بيشتغلوا في بيع المانجو كل صيف عشان بيستغلوا الإجازة، وهما واقفين في الشارع جالهم واحد طلب منهم نص كيلو مانجو بجنيه هما مكسفهوش، وكل واحد منهم قدم نصف كيلو مانجو ومفكروش في أي حاجة ولا تكلفة واتصرفوا بعفوية شديدة.

وواصل: تفاجئنا بالفيديو على السوشيال ميديا زينا زي الناس، وطلع الزبون اللي جالهم كان عامل موقف اختبار ليهم مش أكتر، وولادي بيدرسوا واحنا أصلا عايشين في الصعيد بس بنيجي الصيف نشتغل وهما بيساعدوني عشان أنا تعبت ومقدرتش أنزل أشتغل معاهم وممكن أعمل عملية، هما حابين يعتمدوا على نفسهم ويجمعوا مصاريف دراستهم والصعايدة مشهورين بالكرم والجدعنة ودي مش حاجة جديدة علينا.

وأضاف: ولادي شاطرين في الدراسة بس بيشتغلوا قبل المدارس عشان يساعدوني في مصروفاتهم وأنا بشجعهم وتصرفهم كان عفوي 

إطلاق اسم السيناريست والمنتج فاروق عبد الخالق على قاعة المركز الصحفي بمهرجان الإسكندرية السينمائي

استثناء شاطئ أبو تلات بالراية الحمراء والسماح بالسباحة الحذرة بباقي شواطئ الإسكندرية