والدة إحدى ضحايا مطاردة طريق الواحات: محامية المتهمين هددتنا عشان نتنازل
قالت والدة نازال إحدى ضحايا حادث مطاردة طريق الواحات، إن إحدى محاميات المتهمين تواصلت مع ابنتها للتصالح.
والدة أحدي ضحايا مطاردة طريق الواحات
وأكدت والدة نزال في تصريحات لـ القاهرة 24: المحامية هددت بنتي في التليفون إذا لم تتنازل عن القضية زي صديقتها هتشهر بيها في المحكمة، وهتطلب عرضها على الطب الشرعي حسب وصفها.
وتابعت أن ابنتها رفضت التنازل أو التصالح مع المتهمين، في قضية مطاردة طريق الواحات بعد تنازل صديقتها رنا، قائلة: أنا هاخد حقي بالقانون.
وفي ذات السياق، تصالحت إحدى ضحايا حادث مطاردة طريق الواحات مع المتهمين بارتكاب الواقعة، على إثر واقعة ملاحقة الأولى بسيارتهم وإحداث إصابتهن.
يذكر أن محكمة أكتوبر قضت بتأجيل أولى جلسات محاكمة المتهمين في واقعة مطاردة طريق الواحات، وذلك لاتهامهم بإصابة الفتيات نتيجة مطاردتهن وتعمد مضايقتهن لجلسة 1 سبتمبر.
وحصل القاهرة 24 على نص التحقيقات، حيث جاءت أقوال المجني عليها الأولى أمام جهات التحقيق كالتالي:
كنت في البيت وكلمت صديقتي عشان حفلة تخرجي في 2025/8/21 وكنت عايزة أنزل أشتري حاجات للتخرج وقولتلها تعالي ننزل نشرب حاجة وبعدين نروح تشتري الحاجات، نزلنا روحنا الحي الأول بأكتوبر عشان كنت هشتري فستان من الحصري، فقعدنا في كافيه بنزينة في الحي الأول وشرينا قهوة.
وأضافت: كان فيه شوية شباب قاعدين على ترابيزة برا وإحنا دخلنا وقعدنا جوا على البار، وطلبنا حاجة نشربها والبار قدامه بيبص على المكان اللي الشباب قاعدين فيه فاضطرينا نقوم من على البار عشان منكونش في وش الشباب، لقيتهم قاموا وغيروا المكان وجم قعدوا في وشنا، فأنا نزلت الستارة اللي تمنعهم من رؤيتنا.
