جت في الحديد.. البلوجر أم خالد تكشف تفاصيل تعرضها لحادث: ربنا سترها عشان خاطر عيالي
كشفت البلوجر أم خالد عن تعرضها لحادث، حيث نشرت مقطع فيديو لها روت فيه تفاصيل تعرضها لحادث أمس السبت، على الطريق الصحراوي.
وقالت البلوجر أم خالد، في مقطع فيديو لها، عبر حسابها بموقع فيسبوك: أنا عملت حادثة امبارح وكنا هنموت، أنا طالعة أطمنكم عليا، شوفت الموت امبارح على 4 مراحل، اللي مهون عليا الموضوع إني طالعة بضحك، امبارح جالي صدمة وأصيبت بكدمات في جسمي كله.
أم خالد تكشف تفاصيل تعرضها لحادث
وأضافت البلوجر أم خالد: الكبوت اترفع ونزل والعربية طلعت دخان من كل مكان، العربية بقت خردة خلاص.. الحمد لله جت في الحديد، أنا طالعة أشكر كل الناس اللي سألت عليا وكانوا بيطمنوا عليا، الحمد لله، إمبارح كان بيجي في دماغي الولدين اللي ملهمش حد غيري في الدنيا، دي أكتر حاجة مأثرة فيا وخلتني أعيط، لو كنت موت إيه اللي كان هيحصل معاهم، خالد وريان فعلًا ملهمش حد في الدنيا غيري.
واستكملت البلوجر أم خالد: الحمد لله ربنا بيقف جنبي وطلعت من الحادثة دي وشوفت الموت بعيني، العربية كانت واقفة بيا في طريق ضلمة على الصحراوي والعربية وقفت في نص الطريق، واللي خبطني جري ومعرفش راح فين، وموقفش يطمن عليا ولا يشوف هو عمل إيه.
