أرباحها لصالح مستشفى الأورام.. أحمد أمين يكشف تفاصيل جولة حفلاته ستاند آب كوميدي في أنحاء مصر
كشف الفنان أحمد أمين، تفاصيل جولة حفلاته ستاند آب كوميدي بعنوان مين أمين؟، المقرر تقديمها في عدد من محافظات مصر، كما سيتم التبرع بـ أرباحها لـ صالح مستشفى الأورام.
وكتب أحمد أمين، عبر حسابه بموقع إنستجرام: أخيرًا بقى عندي رد على كل رسالة بتسألني إنت مش بتيجي عندنا ليه؟!.. أنا أهو حضرت شنطتي وهلف عليكو واحد واحد.
وتابع أحمد أمين: بقالي سنين والجولة دي جزء من خطتي كل سنة.. مش مهم اتأخرت أد إيه.. المهم إنها أخيرًا دلوقتي بتطلع للنور.. متحمس جدًا أقف على المسرح أقدم كلام أنا اللي كاتبه من أوله لآخره.. وأنا اللي أقوله.. ومش أنا بس اللي اسمعه وأضحك عليه إن شاء الله.. تجربة حاببها ومستنيها واتمنى أنتوا كمان تحبوها.. وأهو أحاول أعرف مين أمين ده؟! هيتم الإعلان عن كل حفلة بالتوالي.. الأكيد إن حفل ختام الجولة هيكون في مصر-القاهرة.
وعلى جانب آخر، حقق الفنان أحمد أمين، نجاحًا في موسم رمضان الماضي 2025، من خلال مسلسل النص، والعمل من بطولة أحمد أمين، أسماء أبو اليزيد، صدقي صخر، عبد الرحمن محمد، حمزة العيلي، سامية طرابلسي، دنيا سامي، مراد مكرم، سمر علام وآخرين.
وعلى مستوى السينما، عُرض لـ أحمد أمين مؤخرًا فيلم البطة الصفرا، بطولة غادة عادل، من تأليف محمود عزت وإخراج عصام نصار وشارك في العمل كل من محمد عبد الرحمن، محمود حافظ، فرح الزاهد، إبرام سمير، حسن أبو الروس، وسامي مغاوري.
