قالوا إني ببيع أعضاء.. تفاصيل أزمة فريدة سيف النصر مع المسيئيين على تيك توك
كشفت الفنانة فريدة سيف النصر، تفاصيل أزمتها مع المسيئيين عبر منصة تيك توك، وتقديمها بلاغًا في نقابة المهن الموسيقية برئاسة الدكتور أشرف زكي.
وقالت فريدة سيف النصر، في تصريحات تليفزيونية: الفنانين اللي على تيك توك بيدوا لينا صورة مش حلوة خالص، أنا ضد أني أرخص نفسي وابتذال، ومصر مش الشوية دول وولاد البلد مش بيعملوا كده ولا طريقة كلامهم والأماكن الشعبية محترمة عن اللي بنشوفه على التيك توك.
وتابعت: كنت طالعة لايف وواحدة دخلت علقت شتمت البلد كلها، وبتقول أنها نبي وعندها وحي، لأ تعالي أنا بحب القرآن وبعشقه وهاتوني على الهواء أي صورة بتدخل قلبي وبحفظها في ثواني، ولما رديت عليها وقولتلها ده الرسول عليه الصلاة والسلام ربنا موتله ولاده عشان ميبقاش في أنبياء تاني بعده، ومن وقتها عملت لجنة وقالت عليا ببيع أعضاء.
وواصلت فريدة سيف النصر، مؤكدة أن كل ما تداول عنها عبر تيك توك مجرد إدعاءات كاذبة، قائلة: أنا عايشة في شقتي من 40 سنة ولا عندي فيلا ولا حمام سباحة ولا ذهب وليا الفخر، أنا غنية بالحب اللي بلاقيه حواليا، الفلوس دي ممكن الناس يدفعوها ومحدش يحبهم.
واختتمت: بسبب اللي عملوه شغل طار مني، بسبب أنهم قالوا عليا بخطف عيال وأنا خلاص وديت الورق للدكتور أشرف زكي وكل حاجة هتبقى في مكانها الصحيح.
