هموت علشانه.. ميار الببلاوي تكشف تفاصيل إصابة زوجها بجلطة: من فرح ابني مشوفتش يوم كويس
كشفت الفنانة ميار الببلاوي، تفاصيل إصابة زوجها بجلطة في القلب وخضوعه لعملية خلال الساعات الماضية، معربة عن ألمها الكبير متمنية وطالبة من الجمهور الدعاء له بالشفاء.
ودخلت ميار الببلاوي، في حالة انهيار خلال الحديث عن حالة زوجها الصحية، حيث قالت في تصريح خاص لـ القاهرة 24: جوزي كان مسافر السعودية ودي بلده بيسافر هناك على طول، وأنا كان قلبي مقبوض وقولتله متسافرش أنا مش مطمنة، رجعت من البرنامج كان عندي صداع خدت علاج ونمت، صحيت لقيت مدير أعماله بيكلمني وقالي إن جوزي تعب في الطائرة وراح العيادة بتاعة المطار وبعدها اتنقل المستشفى وعنده جلطة، دي الجلطة رقم 3 هو كان مركب دعامات مرتين قبل كده، الجلطة للمرة الثالثة خطر جدًا، ادعوا له يرجعلي بالسلامة.
وواصلت ميار الببلاوي: أنا هموت علشانه ومش عارفة أسافر له لسه ورقي مخلصش، لو كان هنا كنت بقيت تحت رجليه، ولكن هو بعيد عني ومش عارفة أعمل إيه وهموت علشانه، من يوم فرح ابني مشوفتش يوم كويس، مشاكل وجوزي وقع مننا، ربنا يستر ويعديها على خير.
تعرض زوج ميار الببلاوي لوعكة صحية
سبق ونشرت ميار الببلاوي، صورة زوجها من المستشفى موضحًا أنه خضع لعملية بالقلب قائلًا: تعرض لجلطة في القلب وأجرى العملية والحمد لله أمي معايا، لتعلق الفنانة ميار الببلاوي، قائلة: يارب هو زوجي وحب عمرى وأنت الشافي المعافي اشفى زوجي بالصحة والعافية ورده لي بألف سلامة أول مرة تسافر وقلبي مقبوض استحلفكم بالله الدعاء لزوجي ارجوكم.
