الأكل بايظ ومعدتي وجعاني.. لقاء سويدان تكشف تفاصيل تحريرها لمحضر ضد أحد المطاعم
كشفت الفنانة لقاء سويدان أنها حررت محضرًا ضد أحد المطاعم الذي اكتشفت أن طعامه فاسد، مشيرة إلى أنها حرصت على عدم تناول أي شخص لهذا الطعام مرة أخرى.
وقالت لقاء سويدان خلال تصريحاتها لـ القاهرة 24: روحت أشتري ساندوتش شاورما فراخ ومن أول قطمة أخدت بالي إن فيه طعم غريب، وبشم الساندوتش شميت ريحة صعبة جدًا لا تطاق.
وتابعت لقاء سويدان: رجعت للمحل قولتله الفراخ دي بايظة، قالي لأ الساندوتش تمام، قولتله هعمل محضر، أو اللي يرضيني إن سيخ الشاورما ده محدش ياكل منه تاني عشان ميجلوش تسمم، وقالي الأكل تمام ونزّلي جزء من السيخ قولتله الفراخ بايظة.
وأردفت: روحت عملت محضر في نيابة قصر النيل والتحقيقات مستمرة، وهما من إمبارح تحفظوا على عامل من المطعم، وبيحاولوا يتفاوضوا معايا حاليًا بس بصراحة مش موافقة، وبلغت وزارة الصحة وصورت فيديو في المكان، وخدت السندوتش كـ حرز في النيابة.
واختتمت لقاء سويدان تصريحاتها قائلة: عايزة الناس كلها تكون إيجابية ولما تلاقي مشكلة تتكلم، وأنا نفسي حاليًا معدتي وجعاني من قطمة واحدة أكلتها.
لقاء سويدان تكشف سبب قلة أعمالها
وعلى جانب أعمال لقاء سويدان الفنية، سبق وكشفت سبب غيابها الفني خلال تصريحاتها لـ القاهرة 24، حيث قالت: بختار أدواري بعناية وفيه ناس بتفتكر إن أنا اختفيت ولكن أنا من الناس اللي مبحبش شغلي بسرقني من حياتي الحقيقية.
وأضافت: الفن بيسرق العمر ومبعملش حاجة غير لما أكون حساها.
