أحمد السقا عن أزمة طلاقه من مها الصغير: مكنتش عارف أبلع الأكل
تحدث الفنان أحمد السقا، عن الأزمة الأخيرة التي عانى منها بعد انفصاله عن زوجته السابقة الإعلامية مها الصغير، مشيرًا إلى إن تلك الأزمة أثّرت عليه جسديًا ونفسيًا.
وقال أحمد السقا خلال ندوته بـ القاهرة 24: سبحان مبدل القلوب، وارد جدًا تبقى قاعد مع فلان وتاني يوم ميبقاش موجود، لكن أنا ومها متخانقناش ولا شتمنا بعض ولا مدينا إيدينا على بعض.
وتابع أحمد السقا: أنا لن أقبل عليها أي كلمة، ولما حد بييجي يكلمني عليها بقوله أسكت عشان مخيطش بوقك.. لأن دي أم أولادي ومش هسمح حد يجيب سيرتها بحاجة.
وأردف السقا: البلاغات اللي حصلت تخص شخص مش هنزل لمستواه، ولو نزلت لمستواه أكيد ربنا هيكون أرحم عليه مني فـ أنا مش هشتبك.
أحمد السقا: مكنتش عارف آكل بسبب أزمتي مع مها الصغير
كما أكد السقا على إنه عانى نفسيا وجسديًا بسبب تلك الأزمة، وقال: الموضوع طبعا أثّر عليا جدا في البداية، قعدت 26 يوم مش عارف أكل ولا أبلع ووزني نزل جدًا، طبعا كنت مضايق.. أصل هتسد بُق 120 مليون إزاي وبعدين اللي حصل حصل وأنا برا مصر ومش موجود.
واختتم السقا قائلا: ولغاية قبل القصة دي ما تحصل اضطريت اتعلم كل حاجة ليها علاقة بالسوشيال ميديا.
