والد طفلين مصابين بضمور العضلات يستغيث لعلاجهما: محتاج حساب بنكي لجمع التبرعات

استغاث والد طفلين من محافظة الشرقية لعلاج نجليه المصابين بـ مرض ضمور العضلات “دوشين”، حيث يحتاجان لحقنة علاجية تكلفتها تبلغ 13 مليون جنيه.

وأضاف أنه قبل استقبال التبرعات، فإنه بحاجة إلى فتح حساب بوزارة التضامن الاجتماعي، حتى يستطيع استقبال التبرعات اللازمة لـ علاج صغيريه. 

والد طفلين مصابين بضمور العضلات يستغيث لعلاجهما 

وقال الأب في تصريحات خاصة لـ القاهرة 24: ولادي الاتنين ربنا ابتلاهم بمرض ضمور العضلات دوشين، ابني الأكبر وصل لـ سن 7 سنوات، وفي الحالة دي استجابته للعلاج أصعب، وكمان كام شهر ومش هيعرف يمشي على رجله، وأملي في ابني الصغير إن ربنا يكرمه ويتعالج.

وأضاف: نفسيتي تعبانة جدًا بسبب المرض اللي عند ولادي، كأنه صدأ بيأكل في الحديد، واللي عرفته إن المرض ده بيصيب الذكور بس مش البنات، لأنه جين بيكون في دم الأم خلال الحمل.

وتابع: قبل استقبال أي تبرعات محتاج حساب في وزارة التضامن الاجتماعي، عشان أقدر أجمع المبالغ دي من كل الناس وأعالج بيها ولادي، المشكلة إن الحساب ده بياخد شهر على ما يتعمل، وحالة ولادي بتدهور يوم عن يوم، والموضوع تعبني نفسيا.

وناشد الأب المسئولين بسرعة إنشاء حساب بنكي لجمع تبرعات علاج نجليه من مرض ضمور العضلات دوشين، لحصولهما على العلاج اللازم قبل فوات الأوان.