الحزن يخيم على أحبابه.. وفاة الشاب عمرو الحفني بعد معاناة مع مرض السرطان لمدة عامين
توفي اليوم الشاب عمرو الحفني خريج كلية الصيدلة دفعة 2023، بعد معاناة مع مرض السرطان الذي أصيب به في العام 2024.
الحزن يخيم علي أحبابه.. وفاة الشاب عمرو الحفني بعد معاناة مع مرض السرطان لمدة عامين
وكان عمرو كان نشر قبل إصابته بمرض السرطان رسالة من أحد الأشخاص علي تطبيق صراحة والذي كتب له: صحتك سليمة ولا مرة شوفتك تعبان.
وعلق الراحل علي الرسالة حيث كتب: المسدج دي جاتلي على صراحة من فترة وأنا مش حابب أرد.. حقيقي أنا مشفق على العقول دي وإنكم إزاي بتفكروا بالطريقة دي وحسبي الله ونعم الوكيل.. ما هوا أنا أكيد مش هنزل مشاكلي العائلية والشخصية ع السوشيال ورا الصورة اللي بتشوفها أو الابتسامه أو أي حاجة بتنزل تعب كتييير الواحد مش مضطر يعلن عنه تحب أقولك يا صاحب المسدج دي إني تعبان جدا وندي تضخم حتى نفسي رايح تحب أقولك كم تحليل وكم دكتور تحب أقولك إن والدتي تعبانه أغلب الوقت تحب أقولك عن كم المشاكل العائلية والاختلافات.
تابع عمرو: وحاجة أخيرة عشان تبقى فاهم لعلك تتعظ ربنا سبحانه وتعالى اسمه العدل يعني كل واحد لي نصيب من الصحة والأهل والرزق بأنواعه أنا أنت واخد زي وأنا زيك بس أنت في حاجة وأنا في حاجة، وغير دا كله هي فانية حتى لو خدت كل حاجة ما أنت سايبها وماشي في الآخر أهم حاجة رضا ربنا.. وأخيرا أنا خصيمك يوم القيامة أمام الله.
وأعلن عمرو بعد مدة قليلة إصابته بالسرطان، وسط حزن كبير من أصدقائه وأحبابه وغضب كبير من المتابعين على الشخص الذي قام بإرسال الرسالة إلى عمرو.
