تامر حسين يكشف مفاجأة لجمهور شيرين عبد الوهاب: هتنزل أغنية غالية علينا يا بلادنا بالنسخة الماستر
كشف الشاعر الغنائي تامر حسين، مفاجأة لجمهور الفنانة شيرين عبد الوهاب، موضحًا أنها ستقدم نسخة جديدة من أغنيتها غالية علينا يا بلادنا.
وكتب تامر حسين، عبر حسابه بموقع X: لسه مطمن على حبيبتي وأختي الفنانة شيرين عبد الوهاب وزى الفل الحمد لله وبتسلم عليكم وهننزل أغنية (غالية علينا يا بلادنا ) بالنسخة الماستر إهداء مِننا جميعا لبلدنا الغالية مصر مِن كُل صناع العمل تامر حسين عمرو مصطفى توما هاني محروس.
شيرين عبد الوهاب
وعلى جانب آخر، كانت أعلنت الفنانة شيرين عبد الوهاب، تصالحها مع المستشار ياسر قنطوش محاميها، حيث قالت في بيان لها: مساء الخير أنا عاوزة أوضح لجمهوري الحبيب إن اللي حصل بيني وبين المستشار ياسر قطنوش هو مجرد سوء تفاهم عابر بيحصل بين الإخوات، الأستاذ ياسر أخ وصديق، ومن أكتر الناس اللي خايفة على مصلحتي.
وأضافت شيرين عبد الوهاب: وحريص على استعادة حقوقي بأمانة وضمير وعشان كده لا يمكن ألغي توكيلاتي عنده، اختلاف وجهات النظر أحيانًا بيتسبب في خلافات بسيطة نقدر نحلها وده اللي حصل فعلا، حابة أقول أن الأستاذ ياسر كان وهيفضل المحامي بتاعي ومعنديش محامي غيره.
