السرطان انتشر في كل جسمه حتى العين.. أرملة إبراهيم شيكا ترد على مطالب عائلته بتشريح جثمانه
لا يزال سبب وفاة لاعب نادي الزمالك السابق، إبراهيم شيكا محل جدل كبير، بسبب ادعاءات والدته وجود شبهة تجارة أعضاء في وفاته وتقدمها ببلاغ في وقت سابق، وفي الوقت نفسه نفت أرملة شيكا هبة التركي وأصدقائه المقربين تلك الادعاءات ووصفتها بـ الظلم والافتراء.
أرملة إبراهيم شيكا ترد على مطالب عائلته بتشريح جثمانه
وظهرت أرملة اللاعب إبراهيم شيكا في فيديو عبر حسابها بمنصة تيك توك قائلة: السرطان انتشر في كل جسمه حتى العين، منين بقى بتقولوا تجارة أعضاء أو غيرها حرام عليكم ظلمتوني بما فيه الكفاية وشوفت منكم كتير من ساعة شيكا ما توفى.
وتابع: عيلته مصممين على تشريح جثمانه وبهدلته وربنا هيظهر الحق، ولو ده حصل هتتأكدوا انكم غلطتم فيا وظلمتوني، لأن جوزي ميت وهو عنده ورم في المستقيم وانتشر في الجسم كله حتى العين وبالنسبالي محدش عاش معايا القهر ولا المعاناة، وفي الأخر بعد مات بحاول أثبت براءتي.
وتابعت أرملة شيكا: بتعرض لهجوم أنا وعيلتي ومعملتش حاجة ده أنا وقفت جنب ابنكم القضاء هيقول كلمة العدل وحقي هيرجع لي بس أنا مش مسامحه حد وربنا هيظهر الحق وهتتأكدوا أنه ميت بالسرطان وهتشوفوا وحسبي الله ونعم الوكيل.
