ابنة عامر منيب تكشف موقفا إنسانيا لوالدها مع موظف أمن: عالج والدته.. وبكت عليه لما توفى
كشفت مريم ابنة الفنان الراحل عامر منيب، موقفًا إنسانيًا لوالدها رفقة موظف أمن في أحد الفنادق، حيث عالج والدته على نفقته الشخصية.
وقالت ابنة عامر منيب، في تصريحات تليفزيونية: كنت في فرح بالعربية بتاعة بابا وركنتها في الجراج، وموظف أمن سألني هي دي عربية الفنان عامر منيب؟، قولتله أه، بدأ يعيط، وقالي من 15 سنة والدك كان بيغني في الفندق ولما نزل الناس كلها كانت بتتصور معاه وأنا كنت واقف على جنب، جه حط إيده على كتفي وسألني مالك؟.
وأضافت ابنة عامر منيب: الموظف قال لـ بابا إن والدته تعبانة ومكنش معاه يكمل مصاريف العلاج، بعد ساعتين بابا رجعله ومعاه شنطة فلوس، ووالدته اتعالجت ولسه عايشة وقالي إنها عيطت على بابا لما توفى.
ابنة عامر منيب: بابا كان بيحب يساعد الناس ويجبر بخاطرهم
وعلى جانب آخر، سبق وكشفت ابنة عامر منير، أنها كانت تتمنى تقديم الدويتو منذ فترة طويلة رفقة والدها، قائلة: طول عمري كنت بحلم أغني دويتو مع بابا لكن ما حصلش، ماما شجعتني إني أعمل الأغنية دي وأركب صوت وصورة بابا معايا فيها.
وواصلت: بابا كان دايما بيحب يساعد الناس وكريم ويحب يجبر خاطر الناس وفاكرة مرة كنا في الشارع وفي حد زعلان نزل له وسأله مالك.. الموقف دا عمري ما أنساه في حياتي.
