صلاح الشرنوبي: ابني أنقذ محمد فاضل وفردوس عبد الحميد من حادث قبل وفاته.. وأرملته مانعة التواصل مع حفيدي
وجه الموسيقار صلاح الشرنوبي، رسالة إلى أرملة نجله، لعدم تمكنه من التواصل مع حفيده، وكشف تفاصيل من حياة ابنه.
وقال صلاح الشرنوبي، في لقائه مع الإعلامية ياسمين عز، في برنامجها كلام الناس: بحاول أتواصل مع حفيدي نجل ابني الراحل، بقول للأم ربنا يهديكي، ممكن تكون هي دماغها فيها حاجات ربنا يديها بدعي في صلاتي أن ربنا يحفظ حفيدي وربنا يقرب البعيد ويحقق اللي كان أبوه بيتمناه.
وتابع الموسيقار صلاح الشرنوبي: كان في قصة حب بينه وبين مراته وفترة كبيرة متفاهمين، وابني واخد عصبية ورجولة زايدة عن اللزوم، إحنا شقينا كتير ولكن الواحد بيرجع لأصله، ويا رب كل الناس تتعظ وتاخد بالها ويقرب البعيد.
وواصل صلاح الشرنوبي، موجهًا نصيحة للسيدات: بقول لكل الزوجات اسمعوا كلام ياسمين عز في التعامل مع الزوج والراجل، الراجل حاجة كبيرة أوي، واتقوا الله لو في شيطان وفي الآخر في حساب وربنا.
صلاح الشرنوبي يكشف تفاصيل إنقاذ نجله لـ المخرج محمد فاضل وفردوس عبد الحميد من حادث سير
كما كشف صلاح الشرنوبي، تفاصيل إنقاذ نجله قبل رحيله، لـ المخرج محمد فاضل، وزوجته الفنانة فردوس عبد الحميد، من حادث سير، قائلًا: لا أنسى لـ ابني مشاهد عملها، كان جدع جدًا مع أصحابه، وكنا في رأس السنة كنا ساكنين في الفترة دي في أكتوبر، ولقى عربية مقلوبة على الطريق يقوم يجري ويدخل العربية علشان يخرج اللي جواها، وطلع الشاب ده كان المخرج محمد فاضل وزوجته الفنانة فردوس عبد الحميد، وطلعهم من العربية.
