عمرو أديب عن عادل إمام: مايعرفش قيمة أمه غير اللي يشوف مرات أبوه
تحدث الإعلامي عمرو أديب عن فيلم حسن ومرقص، بطولة الفنان عادل إمام، والفنان الراحل عمر الشريف، مشيرًا إلى أننا نفتقد هذا النوع الحقيقي من السينما التي تتمتع بالحرية المطلقة.
وقال عمرو أديب خلال برنامج الحكاية: إمبارح كنت بتفرج على فيلم حسن ومرقص، لـ عادل إمام وعمر الشريف، اللي وقفت قدامه إن السينما المصرية كانت سينما حقيقية.
وتابع عمرو أديب: وإيه عادل إمام ده؟ ميعرفش قيمة أمه غير اللي يشوف مرات أبوه، عبقري وهرم وشيء عظيم ومحصلش، وإيه الكتابة دي؟ الأفلام كان فيها حرية، الأفلام دلوقتي بنشوفها بتحسس على المواضيع.
وأضاف عمرو أديب: كان في تعبير وتمثيل وإخراج وفِكر ومزيكا وإنتاج، إيه اللي حصل للسينما بتاعتنا؟ الموضوعات بقت قشور فقط، فين القضية فين اللي بنناقشه؟ الفيلم إنتاج أخويا عماد أديب بالمناسبة، لكن اتفرجت عليه بالصدفة.
فيلم حسن ومرقص
عرض فيلم حسن ومرقص في عام 2008، بطولة كل من الفنان عادل إمام، الراحل عمر الشريف، لبلبة، هناء الشوربجي، الراحل يوسف داود، إدوارد، الراحل محمد شرف، شيري عادل، محمد إمام، حسن مصطفى، وآخرين، والعمل من إخراج رامي إمام.
ودارت أحداث فيلم حسن ومرقص حول القس بولس الذي يتعرض لمحاولة اغتيال، فيضطر أن ينتحل شخصية الشيخ حسن، وفي نفس الوقت يحاول أفراد جماعة إرهابية قتل الشيخ محمود بعد رفضه الانصياع لمحاولة ضمه لتنظيمهم، فتقرر الحكومة أن تحميه كذلك بانتحاله شخصية مرقص، وتتوالى الأحداث في هذا الإطار.
