أحمد السقا يكشف كواليس حلقته الشهيرة بمسلسل عايزة أتجوز: هند صبري نزلت في الدواسة بجد
تحدث الفنان أحمد السقا عن كواليس حلقته في مسلسل عايزة أتجوز، بطولة الفنانة هند صبري، والذي عرض في عام 2010.
وقال أحمد السقا خلال ندوته بـ القاهرة 24: هند صبري كلمتني قالتلي هنصور ساعتين بس، هند أختي وأفضالها كتير عليّا، فـ روحت أصور ووقتها كنت عامل عملية في الأحبال الصوتية وصوتي المتغير ده كان بجد مش قاصده.
وتابع السقا: خرجت من المستشفى عليهم، أول مشهد صورناه اللي كنت بدور فيه في الشقة، وكان فيه مشهد المطاردة وقولت لـ أستاذ رامي أكيد مش هتخلص كدة ولازم يورطها في مصيبة، كلمت عمرو مجايفر وجه وعملنا مشهد العربية وكله في 6 ساعات.
وأردف أحمد السقا: هند نزلت الدواسة بجد والمخرج ثبت الكاميرا وسابنا نرتجل وقال معاهم ربنا.
مسلسل عايزة أتجوز
عُرض مسلسل عايزة أتجوز في عام 2010، بطولة الفنانة هند صبري، وكان العمل مكون من حلقات منفصلة، وكل حلقة لها ضيف شرف بجانب هند صبري، وأبرز هؤلاء، الفنان عمرو يوسف، نضال الشافعي، يوسف الشريف، وآخرين.
أحمد السقا يشيد بـ المخرج محمد سامي
وفي سياق آخر، أشاد السقا بالمخرج محمد سامي، حيث قال خلال الندوة: محمد سامي مخرج عظيم وصانع دراما عظيم، وإحنا على تواصل دائمًا ودلوقتي بيطور نفسه، ودائمًا هو سابق كل الناس اللي معاه بخطوات كثيرة.
