الأمن يفحص تداول فيديو لشخص يعتدي على صغير بالضرب في المنصورة
تفحص الأجهزة الأمنية تداول فيديو عبر مواقع التواصل الاجتماعي يظهر خلاله أحد الأشخاص بالتعدي على صغير بالضرب والركل وذلك بمركز المنصورة التابع لمحافظة الدقهلية.
الأمن يفحص تداول فيديو لشخص يعتدي على صغير بالضرب
وتداول مستخدمو مواقع التواصل الاجتماعي مقطع فيديو يظهر خلاله أحد الأشخاص بالتعدي على صغير وسط مزاعم بحدوثه في المنصورة بالدقهلية، وقالت صاحبة الاستغاثة: بناشد أي حد يلحقني أنا وعيالي من الأذية دي عشان محدش قادر على الناس دول، أنا قاعدة في بيتي وبتأذي أنا وأولادي من الشخص ده.
واستكملت صاحبة الاستغاثة: بتعرض للإهانة دايما بالمنظر اللي أنتو شايفينه دا، من أهل الشخص دا بيستغلوا مرضه ويحرضوه عليا وعلى عيالي ولما لجأتلهم ورديت عليهم عملوا ابنهم ومرضه شماعة وقالو دا تعبان وملقتش رد فعل نهائي دا غير إنه على طول لو شافني بنشر في البلكونة بيحدف فيا طوب دا غير الشتيمة وغيره، وكاسرلي زجاج عربيتي مرتين ومبوظلي المحل بتاعي في البيت اللي أنا عايشة فيه.
واختتمت: أنا وعيالي مهددين من الشخص دا وأهله ومش عارفة أخرج من البيت، ابني كان هيموت.. اللي البني آدم دا عمله في ابني شروع في قتل، أنا مش عارفة أعمل أي حاجة.
