بلاغ لنجدة الطفل ضد المتهم بالتعدي على صغير بطريقة وحشية في الدقهلية
تقدمت إحدى المحاميات ببلاغ إلى نجدة الطفل ضد المتهم بالتعدي على صغير بالضرب والركل بمركز المنصورة التابع لمحافظة الدقهلية، وذلك إثر الفيديو المتداول بشأن تعدي الشاب المتهم على الصغير.
بلاغ لنجدة الطفل ضد المتهم بالتعدي على صغير بطريقة وحشية في الدقهلية
وتداول مستخدمو مواقع التواصل الاجتماعي مقطع فيديو يظهر خلاله أحد الأشخاص بالتعدي على صغير وسط مزاعم بحدوثه في المنصورة بالدقهلية، وقالت صاحبة الاستغاثة: بناشد أي حد يلحقني أنا وعيالي من الأذى عشان محدش قادر على الناس دول، أنا قاعدة في بيتي وبتأذي أنا وأولادي من الشخص ده.
واستكملت صاحبة الاستغاثة: بتعرض للإهانة دايما بالمنظر اللي أنتم شايفينه دا، من أهل الشخص دا بيستغلوا مرضه ويحرضوه عليا وعلى عيالي ولما لجأتلهم ورديت عليهم عملوا ابنهم ومرضه شماعة وقالو دا تعبان وملقتش رد فعل نهائي دا غير إنه على طول لو شافني بنشر في البلكونة بيحدف فيا طوب دا غير الشتيمة وغيره، وكاسرلي زجاج عربيتي مرتين ومبوظلي المحل بتاعي في البيت اللي أنا عايشة فيه.
واختتمت: أنا وعيالي مهددين من الشخص دا وأهله ومش عارفة أخرج من البيت، ابني كان هيموت.. اللي البني آدم دا عمله في ابني شروع في قتل، أنا مش عارفة أعمل أي حاجة.
