الحمدلله على ما أعطى.. أول تعليق من التيك توكر مونلي صديق سوزي الأردنية بعد إخلاء سبيله
نشر البلوجر مونلي صديقي سوزي الأردنية، عبر تيك توك منشورا بعد إخلاء سبيله على خليفة اتهامه بنشر محتوى منافي للقيم المجتمعية المصرية وإساءة استخدام مواقع التواصل الاجتماعي.
أول تعليق من التيك توكر مونلي صديق سوزي الأردنية بعد إخلاء سبيله
ونشر البلوجر مونلي استوري على انستجرام وقال خلالها: الحمد لله على ما أعطى.. الحمد لله على ما مضى.. الحمد لله على ما سيأتي.. والحمد لله يا ربي بعد الرضا.
وأضاف: الفترة دي ربنا وحده اللي يعلم بيا، أي ربنا وحده اللي يعلم قد إيه أنا الفترة دي لوحدي تمامًا، مابقاش ليا علاقة بحد أو بمعنى أصح مابقاش ليا حد، المشكلة اللي وقعت فيها واتخبيت فيها كام يوم قد إيه أكدت لي إن كل اللي كانوا حواليّ كانوا لأجل مصلحة، والحمد لله إن ربنا كشف لي الناس دي كلها على حقيقتهم، لو عليا أظهر وأرجعلكوا من تاني بس ماليش نفس لأي حاجة والله، بس إن شاء الله أطلع من تاني وأظهر لما تكون نفسيتي كويسة.
وتابع: ياريت أي حد بيتكلم عليا في الوحش أو عاوز يخلي شكلي وحش قدام الناس أوعوا تصدقوا الكلام ده، إنتو أكثر ناس عارفني وعارفين مؤمن عمره ما يسيب حد في ديقته، ياما شوفنا وعدّينا بحاجات وحشة أوي، والحمد لله علشان من جوانا نضيف، ربنا كان بيسترها معانا ومبيرضاش يشمت فينا حد قريب إن شاء الله هكون معاكوا قريب ونرجع أحسن من الأول.
وأردف: أنا بشوف كل مسجاتكوا وبانبسط أوي بكلامكوا، حقكوا عليا لو مطلعتش أو مظهرتش، بس غصب عني والله، وحابب أشكر أهلي وقرايبي اللي تعبوا معايا الفترة اللي فاتت وصحابي اللي مسبوش أهلي نهائي، وقريب إن شاء الله هبقى معاكوا من تاني.
