نجل فضل شاكر يرد على راغب علامة: والدي عمره ما قتل ولا سرق
علق محمد، نجل الفنان فضل شاكر، على تصريحات الفنان راغب علامة الأخيرة، حيث تساءل محمد فضل شاكر عن سبب هجوم راغب علامة الدائم على والده.
وقال محمد فضل شاكر خلال ستوري عبر حسابه بإنستجرام: وصلي من كام يوم إن فيه حملة معمولة على والدي على السوشيال ميديا من قبل فنانين وإعلاميين حاقدين على والدي.
وتابع محمد فضل شاكر: وصلي من ناس مقربين مشتركين بيننا إن الفنان راغب علامة عايز يحل المشاكل اللي بينه وبين فضل شاكر، ووالدي رد عليك إنه معندوش مشكلة يحل موضوعه معاك، برغم إن بقالك 13 سنة مسبتش وسيلة إعلامية غير لما شهّرت بينا من خلالها وقولت كلام كتير.
محمد فضل شاكر يرد على تصريحات راغب علامة
وتابع محمد فضل شاكر: لو قلبنا الأدوار هنلاقي إنك مكنتش هتستحمل ده، وبرغم كدة والدي وافق على الصلح وقلنا صفحة وقلبناها، بس نلاقي فيديو جديد ليك بتقول أنا مش بقتل ومش بمسك سلاح، هو أبويا إمتى قتل؟ أنا أبويا مسك سلاح وقت ما مكنش في حد يحمينا، لكن لا قتل ولا سرق.
وأضاف محمد فضل شاكر: إحنا معندناش مشاكل نتصالح معاك لكن لازم أنت تتصالح مع نفسك الأول، 13 سنة ولا مرة طلعنا نرد عليك ولا نتكلم عنك، بالعكس كنت في حفلاتي بغني أغانيك، رسالة إن إحنا ماعندناش مشكلة معاك.
من جانبه، قال راغب علامة في تصريحات تليفزيونية: مؤخرا الانتقادات عليا زادت، أنا مش بمسك سلاح ولا بقتل حد اتكلم عليا، أنا أؤمن بالقانون والقضاء والقانون يستطع إنه ياخدلي حقي وحق ناس كتير لأن مشاكل السوشيال ميديا زادت جدا مؤخرا، لدرجة إني فكرت أمسك تليفون من غير سوشيال ميديا.
