شقيق ضحية البروست في المنيا: الأوردر اللي اتأخر أنقذني من الموت
شهدت منطقة أبو هلال بمدينة المنيا خلال الأيام الماضية وفاة سيدة وإصابة 249 شخصًا بتسمم غذائي عقب تناولهم وجبات بروست من أحد المطاعم الشهيرة.
وفي أول ظهور له، قال شقيق السيدة المتوفاة في تصريحات لـ القاهرة 24: أختي ماتت، وجوزها وولادها الاثنين موجودين في المستشفى، في نفس اليوم كنت طالب أوردر من نفس المطعم، لكن الطلب اتأخر فاتصلت ولغيت الأوردر، والقدر أنقذني.
وأضاف: اللي حصل ده مش طبيعي، اللي حصل بفعل فاعل، وأكبر دليل إن في يوم واحد فيه حالة وفاة ومئات المصابين، ده مش تسمم عادي.
وأضاف شقيق الضحية: آخر مرة شوفت أختي وهي جاية عندي الشغل بعد ما خلصت فلوسها ودفعتلها أجرة التاكسي، بعدها ما شفتهاش غير وهي متوفاة.
وأكد أن أسرته تعيش في حالة من الصدمة والحزن، قائلًا: المنظر في المستشفى كان كأنه يوم القيامة، صرخات في كل مكان وزحام رهيب من الأهالي والمصابين. لحد دلوقتي أصحاب المطعم ما كلموناش ولا حتى عزونا.
وطالب شقيق الضحية بضرورة محاسبة المسؤولين عن الكارثة قائلًا: إحنا مش عايزين غير حقنا بالقانون.
