إمشي إنتي وجوزك لنضربكم.. الأمن يفحص فيديو تعدي طلاب بالمدرسة الإنجليزية الحديثة على أسرة بالتجمع الخامس
أظهر مقطع فيديو تعرض أسرة لواقعة اعتداء من قِبل طلاب بالمدرسة الإنجليزية الحديثة بمنطقة التجمع الخامس، وجرى اتخاذ الإجراءات القانونية حيال الواقعة.
طلاب المدرسة الإنجليزية الحديثة بالتجمع يعتدون على أسرة بالتجمع الخامس
وتعود بداية الواقعة إلى تداول مستخدمي مواقع التواصل الاجتماعي مقطع فيديو، يظهر خلاله مجموعة من طلاب المدرسة الإنجليزية الحديثة بالتجمع الخامس يتعدون على أسرة قائلين: إمشي إنتي وجوزك لنضربكم.
ونشرت راندا عمر المجني عليها عبر صفحتها على فيسبوك: النهاردة على محور مصطفى كامل بالتجمع الخامس حصل موقف لا يمكن السكوت عنه، طلبة من Modern English School طالعين بأتوبيسات مكشوفة بيحتفلوا بالتخرج، والاحتفال ده كان فوضى: دخان، شماريخ، وزعيق، وتعطيل كامل للطريق، طريق بياخد 5 دقايق وقفناه 45 دقيقة، والناس اتأخرت على شغلها وحياتها بسبب شوية عيال فاكرين إن الشارع ملكهم.
وأضافت صاحبة المنشور: لما اعترضنا بأدب وقلنا: بعد إذنكم الطريق مش ملككم، حصل الآتي: الطلبة اللي المفروض بيتخرجوا من مدرسة دولية، نزلوا اعتدوا بالضرب على جوزي قدام الناس، بالإضافة إلى أن مدرسين وإدارة المدرسة كانوا معاهم شاركوا في التعدي، وأولياء أمور نزلوا شتمونا وهددونا.
وواصلت: الأخطر إن وسط ده كله واحدة قالتلي بالحرف: إمشي إنتي وجوزك أحسن، عشان ما يضربوش جوزك، ورجل تاني بعد ما ركبنا العربية وإحنا رايحين القسم قال لنا بالحرف: اللي أنتو هتعملوه هتتأذوا فيه، سيبوا الموضوع أحسن.
وتفحص الأجهزة الأمنية مقطع الفيديو المتداول على مواقع التواصل الاجتماعي للوقوف على أسباب وملابسات الواقعة، وتحرر محضرا بالواقعة وتولت الجهات المختصة التحقيق.
