طبيب رنا رئيس يكشف آخر تطورات حالتها الصحية | خاص
كشف الدكتور كريم جمال أستاذ الجراحة العامة وجراحة المناظير، آخر التطورات الصحية للفنانة رنا رئيس، بعد تعرضها لوعكة صحية.
آخر التطورات الصحية لـ رنا رئيس
وقال جمال في تصريحات خاصة لـ القاهرة 24: رنا بقت زي الفل وروحت البيت امبارح الحمد لله.. ومفيش إجهاض جصلها زي ما اتقال.
وأضاف: هي بتعاني من كيس دموي علي المبيض وانفجر وعمل نزيف في البطن…لكن مفيش إجهاض من أي نوع.
تفاصيل العملية الجراحية
وواصل: العملية اتعملت بالمنظار الجراحي عن طريق البطن كاملة، والكيس اتشال ووقفت النزيف وتم تنظيف البطن بالكامل والحمد لله هي في بيتها دلوقتي في فترة النقاهة.
وعن إمكانية تكراره أوضح: بإذن الله ما يتكررش..لكن ده في علم الغيب، معقبًا: أي أنثي في فترة التبويض بتطلع أكياس جواها البويضة، الكيس ده يفرقع ويطلع البويضة استعدادًا للحمل..في بعض الأحيان الكيس ده مش بيفرقع ويتكون جواه شوية دم..أما الجسم يمتص الدم أو يفرقع..و ده اللي حصل.
وتعرضت الفنانة رنا رئيس لوعكة صحية الأحد الماضي، مما استدعى نقلها إلى أحد المستشفيات لتلقي العلاج اللازم حتى تتماثل للشفاء.
وأوضح مدير أعمال رنا رئيس، لـ القاهرة 24، أن الفنانة أجرت عملية جراحية مطالبًا الجمهور بالدعاء لها بالشفاء.
