نجلاء بدر: الفن ترفيه وممكن يبقى تربوي.. ومش إلزام يقدم قضايا ويغير قوانين
تحدثت الفنانة نجلاء بدر، عن فكرة مناقشة القضايا الاجتماعية خلال الأعمال الفنية والمساهمة في تغيير بعض القوانين بالمجتمع.
نجلاء بدر: الفن ترفيه وممكن يبقى تربوي
وقالت نجلاء بدر، خلال ندوتها في القاهرة 24: ناقشت قضية الوصايا قبل مسلسل تحت الوصاية، عملت مسلسل ويبقى الأثر كان بيتكلم على الوصاية، ووصاية أبو الزوج بعد وفاة الزوج، وفكرة إن قانون يتعدل بسبب عمل ده نوع من الفن مش هقدر أعمله ولا أفرضه على كل الفن.
وعن مساهمة الفن في تغيير بعض القوانين، علقت نجلاء بدر: الفن ترفيهي آه ولكن ممكن يكون تربوي ويقدم رسالة وتوجيهي ولكن ده مش إلزام، الفن خيال وكل واحد بيعرض قضيته من خلالها، وفيه ناس مش عايزة تعرف قضايا، وفي أجيال هتهتم بالقاضايا لما يبقى عندهم 40 و50 سنة، ولكن مش إلزام على الفن إنه يعرض قضايا ويعدل قوانين.
نجلاء بدر تتحدث عن مشاركتها في مسلسل أزمة ثقة
كما تطرقت نجلاء بدر، للحديث عن مشاركتها في مسلسل أزمة ثقة، قائلة: مكنش في دماغي إني أعمل مسلسل أزمة ثقة، المخرج وائل فهمي عبد الحميد كلمني وقالي عايز أعمل بيكي مسلسل ووافقت أيًا كان إيه هو المسلسل، والأول عرض عليا مسلسل حسيت إنه مكنش كامل وفيه ثغرات كتير، وقالي سيناريو تاني وبعتلي أول حلقتين من أزمة ثقة، وفي أول حلقتين اكتشفت أن في جريمة بالأداة ومين القاتل، أنا استغربت ولكن القضية مش مين القاتل.
