حليم الجندي يناشد المنتجين عبر القاهرة 24: محتاج شغل وعايز أعيش
ناشد الممثل الشاب حليم الجندي، المنتجين بسبب عدم تلقيه عروضًا للمشاركة في الأعمال الفنية، منذ إعلانه تفاصيل حالته الصحية وإقدامه على إجراء عملية بالقلب.
حليم الجندي يناشد المنتجين عبر القاهرة 24: محتاج شغل وعايز أعيش
وقال حليم الجندي في تصريح خاص لـ القاهرة 24: من وقت ما أعلنت أني تعبان وهعمل عملية في القلب ومبقاش يجيلي شغل، أنا بناشد المنتجين محتاج شغل علشان عندي أولاد وعايز أعيش، أنا صحتي كويسة وقادر أشتغل وبمارس حياتي الطبيعية.
وتابع حليم الجندي: أنا كنت طول الوقت بشارك في أعمال خارج رمضان، زي إلا أنا وزينهم والعودة وغيرهم كتير، والوقت اللي بشتغل فيه طول السنة هو الفترة بين رمضان ورمضان، ولكن لغاية دلوقتي مشاركتش في أي عمل من رمضان 2025، وده بسبب أني قلت أني تعبان، أنا صحتي كويسة وقادر أشتغل.
تفاصيل الحالة الصحية لـ حليم الجندي
ومن ناحية أخرى، سبق وكشف الممثل الشاب حليم الجندي، مستجدات حالته الصحية بعد تأجيل عمليته بالقلب لـ 3 أسابيع منذ أغسطس الماضي، حيث قال في تصريحاته لـ القاهرة 24: أنا كويس الحمد لله وبمارس حياتي بشكل طبيعي، باخد العلاج علشان المشكلة البسيطة اللي عندي تتحل وأعمل العملية، مستني ميعاد جديد ليها.
