والدة ضحية سائق ميكروباص التجمع: كان بيدافع عن بنت والسواق جاب صحابه وضربوه بمفك |فيديو
روت والدة الشاب الذي قتل على يد سائق ميكروباص بمنطقة التجمع الخامس، تفاصيل الحادث المأساوي، مؤكدة أن نجلها فقد حياته بسبب شهامته ودفاعه عن سيدة تعرضت للإهانة.
والدة ضحية سائق ميكروباص التجمع تروي التفاصيل
وقالت الأم المكلومة في بث مباشر عبر القاهرة 24: ابني قالي يا ماما هصلي الجمعة وأروح الشغل، نزل من البيت وأنا طلعت وراه البلكونة أسلم عليه كأني بودعه، وماكنتش عارفة إنها آخر مرة أشوفه.
مقتل شاب علي يد سائق ميكروباص بالتجمع الخامس
وأضافت والدة ضحية سائق ميكروباص التجمع: في الطريق سواق الميكروباص اتخانق مع واحده وشتمها، ابني قاله عيب، دي زي أختك، لكن السواق مسك فيه واتخانق معاه.
وتابعت: السواق جاب 4 من أصحابه واستنوا ابني في الموقف لما رجع من الشغل، اتلموا عليه وضربوه، والسواق مسك مفك وغرسه في ودنه، ابني مات في ساعتها قبل ما يوصل المستشفى.
واستطردت الأم وهي تبكي: ابني لسه عريس جديد، مكملش سنة جواز، وعمره ما كان بتاع مشاكل، كان طيب وبيحب الناس كلها وعايزه حقه.
