سيدة تستغيث من زوجها.. وتزعم: طردني من البيت لأني خلفت بنت
نشرت سيدة استغاثة عبر موقع التواصل الاجتماعي فيسبوك، تدعي فيها تعرضها للاعتداء بالضرب والسب من قبل زوجها، وطردها من المنزل، بسبب إنجابها بنتًا.
سيدة تستغيث من زوجها.. وتزعم: طردني من البيت لأني خلفت بنت
وزعمت السيدة في المنشور: بعد زواجي حملت في بنت، وبعد ما زوجي عرف كان بيضربني وبيشتمني.. وآخر مرة ضربني بأنبوبة البوتجاز في ضهري عشان يسقطني وعملت محضر بكده وروحت عند أهالي راح شال العفش وعملت محضر وبعد كده عملنا قاعدة.
وواصلت في دعواها: منذ أن تزوجت لم أعيش معه أسبوع كامل بدون أن يعتدي عليا أو يطردني من المنزل، وحصلت على حكم ضده من المحكمة بحبسه 6 أشهر، ولكنه هارب من تنفيذ الحكم.
وأضافت في منشورها زاعمة: أول لما تنازلت عن القضايا، روحت عند بيت أهلي وقولتلهم زوجي دخل بنزين الشقة وكان هيموتني لو روحت تاني هموت نفسي وارتاح، روحت عند أبويا كنت في الشهر الرابع وقعدت عنده لحد ما ولدت ولكن زوجي رفض يشوف البنت خالصو قالي أنا مش بخلف بنات، وبنتي دلوقتي عندها 10 أشهر.
واستطردت في مزاعمها: رفعت قضايا نفقة وفواتير الولادة وعملت تبديد عفش، هو وبابا كانوا ماضين على مليون جنيه مفيش حد يشيل حاجه من الشقة، روحت بعد الولادة اجيب هدوم لاقيت الشقة فاضية وهو مشي ومعرفش حاجة عنه.. روحت الشغل قالولي مفيش تنفيذ حكم على الشغل.
وأردفت في دعواها: رفعت قضية تانية في منشية ناصر، وكلمت أهل زوجي قالولي هنبدل العفش وهتكتبي تنازل عن البنت لو مش هتتنازلي عن البنت تنازلي عن الدهب قولتلهم هتنازل عن الدهب بس البنت لا، مناشدة الجهات المختصة بمساعدتها لأخذ حقها.
