المتهمة بقتل صغار دلجا ووالدهم أمام المحكمة: لم أضع السم في خبز حمايا وحماتي لأني قصدت المجني عليهم فقط
قالت هاجر عبد الكريم المتهمة بإنهاء حياة صغار دلجا الـ6 ووالدهم بقرية دلجا بمركز دير مواس في المنيا، أمام هيئة المحكمة في أولى جلساتها اليوم الاثنين، إنها وضعت السم في الخبز المرسل إلى المجني عليهم الصغار الستة ووالدهم، ولم تضعه في الخبز المرسل لوالد ووالدة زوجها، لأنها كانت تقصد المجني عليهم فقط.
محاكمة المتهمة بإنهاء حياة صغار دلجا ووالدهم
وتنظر محكمة جنايات المنيا، اليوم، أولى جلسات محاكمة هاجر عبد الكريم المتهمة بإنهاء حياة صغار دلجا الـ6 ووالدهم بقرية دلجا بمركز دير مواس في المنيا، وتشهد الجلسة مواجهة قوية بين هيئة المحكمة والمتهمة.
وحصل القاهرة 24 على نص التحقيقات في قضية مقتل صغار ووالدهم واستمعت جهات التحقيق لأقوال المتهمة وهي زوجة الأب الثانية وجاءت كالآتي: اللي حصل إن جوزي رجع أم هاشم في البيت اللي اشتراه جديد بعد رمضان اللي فات وكان بيقعد عندي أسبوع وعند أم هاشم أسبوع وإنه في يوم الأحد 2025-7-6 جالي ناصر وكان معاه محمد ابنه ودخل البيت وطلب مني إني أأكل محمد.
وأضافت: فأنا عملت بامية وكان فيه ربع رغيف عيش شمسي أنا كنت خبزاه قبل كده وكان فيه علبة فاضية لونها أبيض قد كف الإيد بتاعة مبيد كانت مرمية على السطح كان ناصر جابها ورماها على السطح بعد ما استخدمها وأنا حطيت فيها مياه ورجتها وحطيت منها كام نقطة على العيش.
وأكملت: اديتهم لمحمد وأكل ربع الرغيف كله والبامية وبعد كده جوزي ناصر مشي ومحمد أكل ونزل من البيت وبعدها بيومين عرفت إن محمد تعب وعنده سخونة بس وعرفت الكلام ده لما أبو ناصر اتصل بيه وهو معايا عند دكتور النساء وقاله إن محمد تعبان.
