جد صغار دلجا: المتهمة مش بترضع بنتها دي حيلة علشان تصعب على القاضي.. وكانت دايما بتعذب الضحايا
قال جد صغار دلجا، خلال حضوره الجلسة الأولى لمحاكمة المتهمة بإنهاء حياة صغار دلجا ووالدهم، إن المتهمة كانت تعذب الصغار الضحايا بالضرب والحرق وتسبهم وتهينهم.
جد صغار دلجا: المتهمة مش بترضع الطفلة دي حيلة علشان تصعب على القاضي
وأضاف في تصريحات لـ القاهرة 24: كنا بندافع عن الأطفال من عمايلها فيهم، لسعت عمر بالمعلقة علشان طلب منها شوية مكرونة، وكبت المكرونة ومردتش تأكلهالهم، وضربت فرحة بالشبشب بسبب الأكل.
وأوضح: جت البيت ليلة جنازة محمد بعد ما قتلته، وطلعت فوق السطح ومن ساعتها مجتش تاني هي ولا أهلها، وهي مش بترضع الطفلة الصغيرة دي حيلة بتعملها علشان تصعب على القاضي، لأن البنت الكبيرة مكنتش بترضعها وكانت بتشرب لبن من الصيدلية والسوبر ماركت.
وقررت محكمة جنايات المنيا، اليوم الاثنين، تأجيل أولى جلسات محاكمة المتهمة بإنهاء حياة صغار دلجا الـ 6 ووالدهم بقرية دلجا بمركز دير مواس بالمنيا لجلسة الدور الأول من أكتوبر المقبل، وذلك لاستكمال سماع الشهود وضم تقارير فنية جديدة.
