وائل جسار: أغنية حب زمان رومانسية تقيلة وحققت نجاحا.. ومفيش حاجة اسمها تمثيل معايا
تحدث الفنان وائل جسار، عن أغنيته الجديدة حب زمان، بجانب كشف تفاصيل تعاونه مع شركة روتانا للصوتيات والمرئيات، بالإضافة إلى كشف إمكانية دخوله مجال التمثيل.
وقال وائل جسار، في لقائه مع القاهرة 24: أغنية حب زمان أول عمل لي مع روتانا، اتفقنا على 8 أغنيات وإن شاء الله كل أغنية هتكون أحلى من التانية، وحب زمان حققت نجاح والأغاني الرومانسية التقيلة الناس بتاخد وقت عشان تستوعبها.
وأضاف وائل جسار: الكلام اللي بيمسني أكيد هيمس الناس لأن كل البشر عندهم مشاعر وأحاسيس، واللي حسيتها أكيد هقدمها للناس بشكل صادق ومحبة.
وعن إمكانية دخوله مجال التمثيل، فعلق وائل جسار: محدش يعرف المستقبل مخبي إيه، مفيش حاجة اسمها تمثيل معايا في أغاني زي ما شفتوا ودايمًا بغني تترات مسلسلات وأغاني في أفلام.
وائل جسار: مراسي من أروع ما شفت في حياتي
وسبق وأثنى الفنان اللبناني وائل جسار، على مشاركته في مهرجان مراسي “ليالي مراسي”، حيث قال في لقائه مع القاهرة 24: أول مرة بزور مراسي حاجة تحفة من أروع ما شفت في حياتي على التنظيم اللي عاملينه مبهر، شرف لي أكون بمهرجان مراسي، مهرجان استقطب عدد كبير من نجوم العرب، وهذا شيء بيكبر القلب، من أروع ما شوفت في حياتي من تنظيم وجمال مبهر، الكلام اللي يمس قلبي وحسيته بقدمه للجمهور.
