فرحتي متتوصفش.. أول تعليق من والد الصغير يونس مريض ضمور العضلات بعد اكتمال التبرعات
خلال الأيام الماضية، تصدرت استغاثة والد طفل يُدعى يونس مواقع التواصل الاجتماعي لعلاجه من مرض ضمور العضلات الذي أصيب به هو وشقيقاه الـ 2، لكن انتهت فرص علاجهما بعد تجاوز السن المحدد للحقن العلاجية، ليظل يونس هو الأمل الأخير لعائلته في الشفاء، وبعد نشر القاهرة 24 تمكنت الأسرة من إجمالي تكلفة العلاج التي تبلغ 13 مليون جنيه، وهو ما أعلنه والده منذ قليل.
اكتمال تبرع يونس مريض ضمور العضلات
وقال والد يونس صغير ضمور العضلات في تصريحات خاصة لـ القاهرة 24: الحمد لله اكتمل مبلغ تبرعات 13 مليون في حساب يونس ابني النهاردة، وبشكر كل الناس اللي دعمت وساهمت في التبرعات من أول ما بدأنا ومهما قولت مش هقدر أوفي الناس دي حقها ولا اللي عملوه عشان ابني يتعالج.
وتابع: التبرعات دي تمن الجرعة الأولى من العلاج باقي جرعتين كمان عايز أقول للناس اللي تبرعت انتوا زرعتوا فيا الأمل من تاني وابني مبسوط وعيلتي كلها فرحانين ومش مصدقين أن التبرعات اكتملت.
وأضاف: شكرا لموقع القاهرة 24 لأنه أول من ساندنا ودعمنا نكمل علاج ابني وكل القائمين عليه وإن شاء الله يونس هيكمل علاجه ويكون سند لأهله وعيلته ربنا يكرمكم.
