نافوخي اتهرش.. أكرم السعدني: الزعيم دعاني لمارينا وقال لي هنتكلم في الهيافة فقط
كشف الكاتب أكرم السعدني عن كواليس خاصة جمعته بالزعيم عادل إمام، موضحًا أن والده الكاتب الكبير محمود السعدني كان له نصيحة خالدة للزعيم ظلّت عالقة في ذهنه.
وقال أكرم خلال مداخلته الهاتفية مع الإعلامية ياسمين عز في برنامج كلام الناس: عادل إمام راح يقعد مع والدي شوية وسط ناس بسطاء، وقاله يا حج محمود الكلام اللي بيتقال كله تافه، فرد عليه والدي وقاله: يا عادل أنا عايز أنفض نفوخي، نافوخي اتهرش من الناس التانية.
وتابع أكرم: بعد 20 سنة كلمني الزعيم وقال لي: تعالى نقعد في قعدة مش هنتكلم فيها غير في الهيافة فقط.. وساعتها فهمت معنى النصيحة اللي قالها والدي.
تصريحات أكرم السعدني عن عادل إمام
وأضاف أن والده كان مؤمنًا بموهبة عادل إمام وصلاح السعدني وسعيد صالح منذ بداياتهم، رغم فشلهم المتكرر في اختبارات التمثيل: عادل إمام وسعيد صالح وصلاح السعدني كانوا كل ما يروحوا يمتحنوا في التمثيل يسقطوا، فوالدي كلم سعد أردش وقاله: أنا مش عايزهم يبقوا عباقرة، عايزهم يبقوا شبهكم، دول هيبقوا أحسن ممثلين في مصر.
وأشار أكرم إلى أن أسرة الزعيم تسانده دائمًا، قائلا: عصام إمام وشقيق زوجة عادل قاعدين تحت إيديه طول الوقت، وناسيين تمامًا احتياجاتهم الخاصة، لكن مبسوطين إنهم حوالين عادل إمام.
كما تحدث أكرم عن الضجة التي أحدثتها صورته الأخيرة مع الزعيم، مؤكدًا: الصورة اللي نزلتها عملت ضجة في العالم العربي، وده دليل إننا لسه عايشين في عصر عادل إمام.. الذكريات عمرها ما اتقطعت بينا، ولما كورونا جت كنا مرعوبين على صلاح السعدني الله يرحمه وعدول حبيبي.
واختتم أكرم حديثه بتوجيه اعتذار خاص لصديق العمر عصام إمام، قائلا: الراجل ده لو سمع الكلام ومثل، كان العطاء لآل إمام هيتمد لأبعد من كده.
