نجوى فؤاد: مش قادرة أقرأ أي أعمال فنية حاليًا.. وراضية باللي ربنا يجيبه
كشفت الفنانة نجوى فؤاد تطورات حالتها الصحية، مشيرةً إلى إنها في انتظار إجراء عملية جراحية هذا الأسبوع، وإنها لا تفكر في أي مشاركة فنية حاليًا.
وقالت نجوى فؤاد خلال تصريحاتها لـ القاهرة 24: حالتي الصحية في تحسن الحمد لله، طول الوقت نايمة وواخدة مسكنات، وهعمل عملية جراحية خلال الأيام دي إن شاء الله.
وعن أعمالها الفنية الجديدة، أضافت نجوى فؤاد: مفيش أي أعمال فنية دلوقتي خالص، مش وقته أبص في ورق حتى، برغم إن نفسيتي كويسة الحمد لله وراضية باللي يجيبوا ربنا.
نجوى فؤاد: مش بتضايق لما زملائي من الوسط الفني ميسألوش عني
وفي وقت سابق، أكدت نجوى فؤاد إنها تقدّر ظروف زملائها من الوسط الفني، من لا يسألون عنها في مرضها، وقالت خلال تصريحاتها لـ القاهرة 24: مشاغل الناس كتير ومش بتضايق لما الوسط الفني مش بيسألوا عليا في مرضي، لأن المشاغل كتير وكل واحد مشغول بمشاكله واللي عنده مهرجان أو شغل.
وعلى جانب آخر، استغاثت نجوى فؤاد مؤخرًا، بوزير الثقافة الدكتور أحمد فؤاد هنو، مطالبة بالنظر في أوضاع الفنانين الكبار الذين يواجهون أزمات صحية ومعيشية صعبة بعد سنوات طويلة من العطاء الفني.
