مسلم يعلن طلاقه من زوجته.. ويعلّق: حسبي الله ونِعْم الوكيل في اللي كان السبب
أعلن مسلم عبر حسابه الخاص بموقع إنستجرام طلاقه من زوجته.
وقال مسلم عبر إنستجرام: تم الطلاق بيني وبين مراتي ودا بسبب مشاكل أهلي وفضحتني قدام الناس حسبي الله ونعم الوكيل في اللي كان السبب وخلي بينا مشاكل وكلام زي الزفت في السمعة والشرف والأعراض وحلم وحدة أنها تعيش مبسوطة لا أكثر ولا أقل ومش مسامح أختي ولا أمي ولا أخواتي كلهم بجد على كل حاجة وصلوني ليها أنا بجد بعد الست دي مفيش ست هتخش حياتي تاني وشكرا أووي على الظروف.
طلاق مسلم ويارا تامر
وقالت يارا تامر، زوجة مسلم، بعد إعلانه الطلاق منها عبر صفحتها الشخصية على إنستجرام: تم الطلاق بيني وبين مسلم، وبجد حسبي الله ونِعم الوكيل فيكم، ربنا ينتقم منكم أنا عارفة إني مكنش المفروض أطلع أتكلم، بس أنا ما عنديش حاجة أغلى من كرامتي وشرفي قدام الناس.
وأهو، أنا بعدت، يمكن ترتاحوا وتسيبوني في حالي.
وللعلم، من يوم ما اتجوزت مسلم، كانت هي دي مشكلتنا، غير كده ما كانش في أي مشاكل بينا.
وشهادة حق، هو عمره ما زعلني، وكان دايمًا واقف في ضهري بس أنا انظلمت كتير، ومش مسامحة."
وتابعت يارا تامر بعد طلاقها من مسلم : مش عايزة حوارات على الفاضي، خلاص الناس عرفتكم على حقيقتكم يا خاربين البيوت وآخركم كلام حسبي الله ونعم الوكيل فيكم، خربتوا بيتي كفاية إني فضحتكم، والناس عرفت آخركم.
