يوسف رأفت بطل مسلسل سيد الناس: عمري ما هنسى شغلي بـ 40 جنيه في اليوم
تحدث الفنان الصاعد يوسف رأفت، بطل مسلسل سيد الناس، عن الصعوبات التي واجهها في بداية مشواره الفني، مشيرًا إلى سعادته بما حققه من نجاح خلال الفترة الحالية.
يوسف رأفت بطل مسلسل سيد الناس: عمري ما هنسى شغلي بـ 40 جنيه في اليوم
وكتب يوسف رأفت عبر خاصية الاستوري بموقع التواصل الاجتماعي إنسجرام: عمري ما هنسى البداية شغل في مكتب كاستنج بـ 40 جنيه في اليوم، وشغل مجاميع وسط ناس كتير محدش واخد باله مني، كنت برجع البيت مكسور، حاسس إني صغير أوي، لكن جوايا يقين كبير إن ربنا شايف وبيكتبلي طريق.
وأردف يوسف: الطريق كان مُر مليان خوف وشك وتعب، بس الحقيقة إن اللحظات اللي كادت تكسرني هي نفسها اللي بنتني كل دمعة نزلت كانت دعوة، وكل صبر مر كان باب نعمة مفتوح مستني أوانه.
وأضاف يوسف رأفت: النهارده لما أبص ورايا، أعرف إن ربنا كريم أوي، كريم لدرجة إنه يرفعك من ولا حاجة ويخليك تبقى حاجة من مكان محدش يعرف اسمك فيه، لمكان الناس كلها تبصلك وتقول: سبحان من بيده كل شيء.
واختتم: رسالتي لأي حد بيحلم ما تستهونش بالبدايات البسيطة، لأن ربنا قادر يحول أضعف بداية لأعظم نهاية، الحمد لله على كل خطوة، والحمد لله أكثر على النعم اللي عمري ما توقعت أوصلها، ولسه اللي جاي مع ربنا أعظم.
قصة مسلسل سيد الناس
ودارت أحداث مسلسل سيد الناس في إطار درامي حول جارحي الذي تنقلب حياته تمامًا بعد وفاة والده، إذ يجد نفسه أمام مفتاح غامض وثروة ضخمة وماضٍ مظلم، محاطًا بخصوم وأعداء لا يرحمون، ويتوجب عليه أن يخوض العديد من الصراعات المحفوفة بالمخاطر لحماية عائلته وإرثه.
