مش منظرة.. حسين فهمي عن إقامته في أفخم الفنادق خلال حضوره المهرجانات السينمائية: بمثل المصريين
علق الفنان حسين فهمي، رئيس مهرجان القاهرة السينمائي، على الانتقادات التي يتعرض لها بسبب إقامته في أفخم الفنادق داخل مصر وخارجها، خلال سفره للمهرجانات السينمائية، مشيرًا إلى إنه يمثل المصريين وصورتهم بالخارج.
وقال حسين فهمي خلال جلسة حوارية مع الصحفيين: أنا دلوقتي بركب أحسن طيارة في أحسن كرسي وبركب أحسن عربية مش عشان بتمنظر، بس عشان بيتشاور عليّا كـ فنان مصري ولازم يكون واخد احترامه ووضعه، لما ناس من دول أخرى يشوفوني في الطيارة لازم يشوفوا إن السينما المصرية تكون واخدة احترامها.
حسين فهمي: بدفع أضعاف الفلوس اللي بتتدفع في أي مهرجان أذهب له
وأضاف حسين فهمي: لازم أركب أحسن عربية، والفنانة اللي بتلبس فستان أو حلق متقدرش تكرره تاني لأن إحنا بنمثل الشعب المصري، ممكن حد من دول برة ميكونش عارف اسمي بس يقول ده مصري، طريقة لبسي وأكلي محسوبة عليّ كمصري، لازم أنزل في أحسن أوتيل عشان شكلنا قدام الناس برة.
وواصل حسين فهمي: أنا بسافر على حساب المهرجان اللي بروحه، ولكن بدفع من جيبي أضعاف اللي هما بيدفعوه، علشان ميتقالش حاجة وحشة علينا.
مهرجان القاهرة السينمائي
وفي سياق آخر، سبق وأعلن مهرجان القاهرة السينمائي الدولي عن اختيار فيلم صوت هند رجب للمخرجة التونسية البارزة كوثر بن هنية ليكون فيلم الختام في دورته السادسة والأربعين، حيث سيُعرض في العرض الإفريقي الأول يوم 21 نوفمبر 2025، في ختام فعاليات المهرجان الذي يُقام خلال الفترة من 12 إلى 21 نوفمبر 2025 تحت رعاية وزارة الثقافة المصرية.
