سخرتا من عمل شاب تقدم لخطبتها وظروف والده.. فيديو لفتاة ووالدتها يثير غضب السوشيال ميديا
تداول مستخدمو مواقع التواصل الاجتماعي فيديو لفتاة ووالدتها على السوشيال ميديا تسخران من عمل شابٍ تقدّم لخطبتها بسبب تأجير والده عربته لبيع المنتجات، والاستهزاء بأسرته، وقد أثار الفيديو حالة غضب واسعة عبر السوشيال ميديا.
فيديو لفتاة ووالدتها يثير غضب السوشيال ميديا
وشارك أحد مستخدمي مواقع التواصل الاجتماعي فيديو لفتاة ووالدتها تسخران من شابٍ ذو ظروف مادية بسيطة تقدّم لخطبتها، وظهرت الأم وابنتها تضحكان على تأجير والد الشاب عربته لبيع بعض المنتجات ليلًا، والسخرية من ظروفهم المعيشية. وانتشر الفيديو بشكل واسع بعد ساعات قليلة من نشره، ونتيجة للغضب المُثار حوله، طالب مستخدمو السوشيال ميديا بعقوبة قانونية ضد الفتاة ووالدتها.
ولاقى الفيديو تفاعلًا واسعًا، حيث كتب صاحب حساب: دول ناس عاديين عايشين وسطينا: بنت ووالدتها، الموضوع ببساطة إن البنت اتقدملها شاب مهندس، ووالده محاسب.. هي شايفاه مش مناسب لأنه لسه مش معاه شقة ومفيش عربية.. وده حقها طبعًا، لكن الكارثة إنهم عملوا فيديو سخرية من الشاب وأسرته، وبيتكلموا إن والده بيشغّل عربيته آخر اليوم لبيع منتجات، تريقة وضحك على ظروف ناس شقيانة وبتتعب علشان تأكل بالحلال، واستهزاء علني قدام الناس، نصيحة لكل شاب.. قبل ما تعجبك المظاهر، اسأل على الأصل والفصل، وابعد عن الناس الجعانة اللي مش فارق معاهم انت مين، وأتمنى فعلًا يتم محاسبتهم بتهمة التشهير.. عشان ما نشوفش المهازل دي تاني!
وأضاف مستخدم آخر: الشاب مهندس مجتهد وبادئ مشروع خاص بيه يعني إنسان طموح وده كلامها فبصراحة خسارة فيها.
وكتب صاحب حساب آخر: العريس ده ربنا بيحبه لأنه لو كانت ظروفه حلوة كانت هتوافق ولو حصله أي ظروف وخسر فلوسه كانت هترميه، وهو من امتى الراجل بيتقاس بشقته وعربيته.
