غزالة تهجم على شاب في ملاهٍ بأكتوبر
نشر شاب فيديو عبر حسابه بموقع التواصل الاجتماعي تيك توك، يشكو من تعرضه لهجوم الحيوانات داخل مدينة ملاهي بمنطقة 6 أكتوبر، خلال تواجده داخل الجزء الترفيهي الخاص بالحيوانات، حينما كان رفقة ابنته الصغيرة.
وقال أحمد رأفت، شاب يشكو من هجوم الحيوانات عليه داخل مدينة ملاهي بالسادس من أكتوبر، أي حد بيروح أماكن فيها حيوانات ومعاه أطفاله ياخد باله، احنا وصلنا مكان في 6 أكتوبر معروف جدًا، وكنا رايحين نأكل الحيوانات من ورا السياج الحديد بتاعها.
شاب يشكو من مدينة ملاهي بأكتوبر بعد هجوم حيوانات عليه
وأضاف: لما وصلنا المكان الحارس كان بيبيع بوكسات فيها أكل للحيوانات، وفعلًا اشترينا منها ودخلنا علشان نأكل الحيوانات، ومن ضمنها الغزالة، ولكن قبل ما ادخل خدت بالي إن الغزالة بتتخانق مع غزلان صغيرين، وكان من الواضح إنها جعانة، وأول ما دخلت أنا وبنتي عشان نلعب مع الحيوانات ونبدأ نأكل الغزلان، فجأة هجمت عليا غزالة واتعصبت وخبطتني، الحمد لله بنتي كانت على ذراعي الناحية التانية، لكن أنا اتخبطت في جنبي ونفسي راح مني، وأصبت بكدمة.
وتابع: الحارس كلمني وقت الموقف وأنا في المكان، وقالي الغزالة عملت كدا عشان كانت جعانة وعايزة تخطف الأكل منك، ولكن الحارس دخل ناس تاني نفس المكان بعد ما حصل معايا موقف الهجوم، يعني افرض طفل داخل ومعاه سبت الأكل لوحده، والغزالة خبطته وهو لوحده مكنش هيعرف يتصرف.
