محمود شاهين: تصريحاتي مش جريئة وبقول اللي شايفه واقعي.. وإلهام شاهين على طبيعتها مبتهتمش بالتريند
كشف مدير التصوير محمود شاهين عن رأيه في تدخل الجمهور عبر السوشيال ميديا في الحياة الشخصية للمشاهير، إلى جانب موقفه من تصريحات الفنانة إلهام شاهين التي تتصدر التريند من حين لآخر وحقيقة اختلافه معها.
وقال محمود شاهين في لقائه مع القاهرة 24: مش بيفرق معايا تدخل الناس وتعليقاتهم على السوشيال ميديا، اللي عاوز يقول حاجة يقولها كل الناس في إيديها موبايلات، وتصريحاتي مش جريئة بقول اللي شايفه واقعي بالنسبة لي، أو شايف أنه صح بس ناس تانية شايفاه غلط وفي كتير مبيحبوش آرائي لكن أنا بحبها.
وأشار إلى أنه كثيرًا ما يختلف مع الفنانة إلهام شاهين، معلقًا: محدش يقدر ينصح إلهام شاهين هي أمنا كلنا وبتنصحنا كلنا، أي تصريح ليها بيطلع تريند ومبيكونش أقصدها هي على طبيعتها ودي آرائها، وتحترم.
وتابع: كلامها بيكون تريند عشان هي حقيقية زيادة، مش بتجمل الكلام، مش عشان بتحاول تعمل تريند، مبيفرقش معاها، وبختلف معاها كتير، كلنا بناكف في بعض بس في الآخر كلنا بنحترم آراء بعض.
محمود شاهين عن تيمور تيمور
في سياق آخر، تحدث محمود شاهين عن حضوره لمهرجان بورسعيد السينمائي بدورته الأولى، قائلًا: حضوري لـ ختام مهرجان بورسعيد السينمائي، بالنسبة ليا صعب أوي وفي نفس الوقت حاجة كبيرة جدًا، لأن المهرجان عامل جائزة لحد من أغلى الناس في حياتي وهو تيمور تيمور.
