غادة عادل: فخورة بتكريمي في مهرجان الغردقة.. وعبد الله ابني دايمًا جنبي ومش بيسيبني
أعربت الفنانة غادة عادل عن سعادتها الكبيرة بتكريمها في مهرجان الغردقة، ووجهت رسالة شكر وامتنان لجمهورها وأولادها، مؤكدة أن دعمهم هو السبب الأساسي في استمرارها ونجاحها.
تكريم غادة عادل في مهرجان الغردقة لسينما الشباب
وقالت غادة في تصريحات خاصة لـ القاهرة 24: مبسوطة جدًا بتكريمي من مهرجان الغردقة، وبهدي التكريم ده لجمهوري وأولادي الغاليين اللي دايما بيشجعوني.. ولادي طول الوقت بيشوفوني أحلى أم في الدنيا.
وتحدثت غادة عن نجلها عبد الله، وعلاقته القوية بها، قائلة: عبد الله على طول مش بيسيبني خالص، وبنصور كل يوم.. كنت تعبانة، وقالي هاجي معاكي ومش هسيبك لوحدك.. هو بيتعاكس طول الوقت، وكله بيقولي لازم يمثل، لأنه وسيم وبحب أي حد يحبه.
وأضافت: دايما بقول اللي يحب ابني، أحبه أكتر، حتى لو مبيحبنيش.. وياريت يمثل معايا، وأشارك مع القمر ده.
مسلسل وتر حساس
ويعرض حاليًا مسلسل وتر حساس للفنانة غادة عادل والذي تدور أحداثه في إطار درامي حول اكتشاف الخيوط المعقدة للعلاقات الإنسانية، الغيرة، الخيانة، الانتقام، الحب، للتواصل مع جمهور واسع على مدار 45 حلقة.
وتبدأ الأحداث بعودة رشيد، الذي يجسده محمد علاء، إلى وطنه ساعيًا لاستعادة مكانته داخل العائلة من خلال الزواج من ابنة عمه فريدة.
ويضم المسلسل العديد من الفنانين أبرزهم الفنان غادة عادل، محمد علاء، إنجي المقدم، هيدي كرم، تميم عبده، كمال أبو رية، محمد محمود عبد العزيز، رانيا منصور، وغيرهم والمسلسل من تأليف أمين جمال، وإخراج وائل فرج.
