غادة عادل عن محمد خان: قالي إني كنت آخر اختياراته في فيلم شقة مصر الجديدة.. وحياتي عبارة عن صدف
كشفت الفنانة غادة عادل تفاصيل تعاونها مع المخرج محمد خان في فيلم شقة مصر الجديدة، بجانب حديثها عن حياتها الشخصية، مشيرة إلى أن حياتها كانت مليئة بالصدف.
غادة عادل: حياتي عبارة عن صدف
وقالت غادة عادل: حياتي كلها كانت عبارة عن صدف، وكل حاجة حصلت كانت بتوفيق من ربنا، دورنا الحقيقي هو إزاي نجتهد ونستغل الفرص اللي بتجيلنا ونسعى دايمًا للأفضل، مع الرضا بقضاء ربنا، لازم كل واحد يبص لطريقه علشان يعرف يعيش، ويكمل ويربي أولاده، ومفيش شاب المفروض ييأس، لأن ربنا موجود، وشايف الصبر اللي بنمر بيه.
وتابعت: لما بكون مكتئبة بلجأ للفن، سواء مسرحيات أو أفلام، وإحنا صغيرين كنا بنشوف إن الهدف هو الظهور والشهرة، لكن لما كبرت فهمت إن الفن رسالة، وأولادي لما بيتفرجوا على أفلام بتناقش قضايا زي المخدرات، بيتعلموا منها وبيستفيدوا.
كما تطرقت غادة للحديث عن فيلم شقة مصر الجديدة قائلة: فيلم شقة مصر الجديدة كان نقطة تحول في حياتي لما بيكون الفيلم مكتوب كويس، بيقدر يطلع من الفنان كل إمكانياته، الفيلم ده جالي بصدفة غريبة، والمخرج الكبير محمد خان، الله يرحمه، قالي وقتها إني كنت آخر اختياريه لكن بعد عرض الفيلم، قالي إني كنت أحسن اختياراته.
أعمال أعمال غادة عادل
ويعرض حاليًا مسلسل وتر حساس 2 للفنانة غادة عادل والذي تدور أحداثه في إطار درامي حول اكتشاف الخيوط المعقدة للعلاقات الإنسانية الغيرة، الخيانة، الانتقام، الحب، للتواصل مع جمهور واسع على مدار 45 حلقة.
ويضم العمل العديد من الفنانين أبرزهم الفنان غادة عادل، محمد علاء، إنجي المقدم، هيدي كرم، تميم عبده، كمال أبو رية، محمد محمود عبد العزيز، رانيا منصور، وغيرهم والمسلسل من تأليف أمين جمال، وإخراج وائل فرج.
