بصوا لـ محمد صلاح ومرموش.. كلمة تحفيزية من أسامة نبيه للاعبي منتخب الشباب
وجّه أسامة نبيه المدير الفني لـ منتخب الشباب رسائل هامة لللاعبين قبل انطلاق مران اليوم الختامي استعدادًا لمباراة اليابان في افتتاح مونديال تشيلي تحت 20 عامًا.
بصوا لـ محمد صلاح ومرموش.. كلمة تحفيزية من أسامة نبيه للاعبي منتخب الشباب
وقال أسامة نبيه في فيديو حصل عليه القاهرة 24: أنت جاي والكل باصصلك، وعلى كتافك اتنين كبار خلّوا العالم كله يوجّه أنظاره لمصر، صلاح ومرموش.. واحد في ليفربول والتاني في مانشستر سيتي، ده معناه إن الناس كلها عايزة تعرف إيه اللي عند مصر غير صلاح ومرموش.
وأضاف: إحنا بلد كبيرة وبنكبر أكتر، وزي ما عندنا صلاح ومرموش لازم نثبت للعالم إن في جيل جديد قادر يكون امتداد طبيعي للثنائي.
وأتم أسامة نبيه: عندنا ثقة في ربنا وفيكم إنكم هتقدموا حاجة كويسة، وكل المؤشرات بتقول إنكم إن شاء الله هتنجحوا وتحققوا حاجة تفرّحنا.
وعلى ضوء الاجتماع الفني تحدد زي منتخب مصر في مبارياته الثلاثة الأولى؛ في لقاء اليابان الذى يقام غدا السبت، يرتدي الفراعنة القميص الأبيض والشورت الأبيض والجورب الأبيض، فيما يرتدي اليابان الزي الأسود كاملا، وفي لقاء نيوزيلاندا المقرر 30 سبتمبر الجاري، يرتدي منتخب مصر القميص الأحمر والشورت الأبيض والجورب الأسود، بينما يرتدي نيوزيلاندا الزي الأسود كاملا، وفي لقاء تشيلي المقرر 3 أكتوبر المقبل يلعب منتخب مصر بالقميص الأحمر والشورت الأبيض والجورب الأسود، بينما يلعب تشيلي بالقميص الأبيض والشورت الأزرق والجورب الأحمر.
