تفاصيل الحالة الصحية لـ شقيق فريدة سيف النصر: عضلة القلب شغالة بكفاءة 10%
كشفت الفنانة فريدة سيف النصر، تفاصيل الوعكة الصحية التي تعرض لها شقيقها خلال الأيام الماضية، موضحة أن قلبه توقف مرتين وخضع للإنعاش، طالبة من الجمهور الدعاء له بالشفاء العاجل.
وقالت فريدة سيف النصر، في تصريح خاص لـ القاهرة 24: أخويا دخل المستشفى كان عنده مشاكل في الكلى وماية على الرئة، وعضلة القلب شغالة بكفاءة 10%، كان اتحسن في الرعاية وطلب يشرب عصير وفي ثواني قلبه وقف، أخويا مات مرتين وعملوا له إنعاش، ده كان أسد ورياضي، بطلب من الجمهور الدعاء له بالشفاء وربنا يطمني عليه.
فريدة سيف النصر تستنكر منع الأطباء الزيارة عن شقيقها
وكانت استنكرت الفنانة فريدة سيف النصر منع الزيارة عن شقيقها بعد تدهور حالته الصحية، حيث كتبت عبر فيس بوك: طيب وكله اضطر يروح بأوامر الطبيب، تخيل نفسك تكبر وتبقى في نفس الحالة ويتقال لكم زي ماقولتم إحنا عملنا اللي علينا ادعوا له فقط، كلامكم معناه خلاص.. طيب لما عارفين ماتسيبوهم يشوفوا حبايبهم ولا هو عذاب من كله.
وتابعت فريدة سيف النصر: هتكبروا أكيد ماهو لازم الكبر عبر، لكن ياترى هتنفذوا الأوامر ولا دكاترة وهاتجاملوا بعض؟، رجاءا لله.. سيبوا المرضى اللي أنتم عارفين أنه خلاص يودعوا حبايب قلوبهم التعب مايبقاش من كله، كفاية روتين خلوها إنسانيات، تحت الأرض كلنا تراب مش هنميز حد.. خلونا نشوف ملامحهم قبل التراب مايختلط على بعضه.. لا حول ولاقوة إلا بالله العلي العظيم.
