دعوات الناس فرحتني ونفسي أشوفها أحسن دكتورة.. والد طالبة الطب يكشف كواليس فيديو ارتدائه البالطو | خاص
تداول مستخدمو مواقع التواصل الاجتماعي فيديو لطالبة تُلبس والدها بالطو كلية الطب البشري داخل ورشة عمله، تقديرًا لدعمه وحبه لها.
والد طالبة الطب يكشف كواليس فيديو ارتدائه البالطو
وتصدر فيديو لفتاة ووالدها تريند منصات التواصل الاجتماعي خلال الساعات القليلة الماضية، بعد ظهورها تفاجئه داخل ورشة عمله وتُلبسه بالطو كلية الطب، وقال والد الفتاة في تصريحات خاصة لـ القاهرة 24: بنتي فرحتني أوي ونفسي أشوفها أحسن واحدة، اتفاجئت أنها جت الورشة ولبستني البالطو الأبيض لأنها بتدرس طب.
وأضاف والد الطالبة: فرحت جدًا بالموقف والفرحة دي أول مرة أحسها في حياتي وفخور ببنتي جدًا لأقصى درجة، ونفسي تنجح وتتفوق في دراستها ربنا يباركلي فيها، تعبت أوي عشانها هي وأخواتها ادعولي ربنا يحميهم ويكرمهم عشان أنا بحب الخير للناس كلها.
وأكمل والد الطالبة: بالنسبة للفيديو متخيلتش رد فعل الناس على الفيديو ودعواتهم وكل اللي نفسي فيه أن عيالي يكملوا تعليمهم وأشوفهم أحسن ناس في الدنيا، هم كل اللي ليا والناس فرحتنا إحنا الاتنين ربنا يكرمنا يارب.
