كانوا راجعين من فرح.. 6 سائقين يعتدون على أسرة بسبب خلاف على مكان نزولهم بالجيزة
شهد موقف فيصل أول عباس، واقعة اعتداء على أسرة كاملة، بعدما تحول خلاف على الأجرة بين سائق ميكروباص وركابه إلى مشاجرة دامية بمشاركة 5 من زملائه داخل الموقف، ما أسفر عن إصابات بين أفراد الأسرة، بينهم مسنون وسيدات.
6 سائقين يعتدون على أسرة بسبب خلاف على مكان نزولهم بالجيزة
وقالت نور محمد في تصريحات خاصة لـ القاهرة 24: أنا عاوزه حق أهلي، يرضي مين أهلي يكونوا راجعين من فرح في حلوان راكبين ميكروباص ومتفق معاهم على الأجرة 14 جنيها للفرد لحد الجيزة، وفجأة السواق يصر ينزلهم عند موقف فيصل ناحية أول عباس.
وأضافت: ولما رفضوا النزول، السواق اعتدى عليهم هو و5 من أصحابه من الموقف، وقطعوا كتف ابن عمي بالكتر، وضربوا أخويا بالكراسي لحد ما ودنه نزفت، وكمان اعتدوا على والدي وعمي اللي فوق الـ60 سنة، ومعاهم سيدات، ده يرضي مين؟!
وأكدت أن الأسرة توجهت إلى قسم شرطة الجيزة وحررت محضرًا رسميًا بالواقعة، مطالبة بسرعة ضبط الجناة ومحاسبتهم قانونًا.
