مش عارفة أنام في بيتي.. سيدة تزعم تعرضها لإيذاء من جارها بكمباوند: بقالنا أكتر من 4 سنين كدة
زعمت سيدة عبر حسابها بمنصة فيسبوك للتواصل الاجتماعي، تعرضها وأسرتها للإيذاء من قبل جارها في كمباوند ماونتن فيو هايد بارك منذ 4 سنوات، وتقدمت بشكاوى لإدارة الكومباوند لكن دون جدوى.
سيدة تزعم تعرضها لإيذاء من جارها بكمباوند
وعبرت سيدة عن استيائها عبر حسابها بمنصة فيسبوك من تصرفات جارها معها وعائلتها، وتعمده ايذائها وانتهاك خصوصية منزلها منذ 4 سنوات، وقالت السيدة عبر الفيديو: مشكلتي مع جيراني إنهم بيشتغلوا تشطيبات لحد وقت متأخر ده غير إنهم سايبين القمامة أمام منزلي.
وتابعت: من كان يوم بفتح الشباك بتاعي لقيت عامل في وشي بالليل جدا عشان التشطيبات اللي بتتعمل، محدش يرضى كده على بيته وأهله، وقبل كده كانوا جايبين السقالة ومش راضيين يشيلوها لكذا يوم، لدرجة إن ابني وقع على الحديد راسه اتفتحت.
وأضافت: أنا عايزة حل ضروري من إدارة الكمباوند لأني اشتكيت كتيير ومفيش فايدة، ده غير إني تقريبا شبه مش بنام في البيت ولا بنتي بتعرف تذاكر من الدوشة اللي حوالينا طول الوقت، والكارثة إن في مرة بفتح الباب لقيت عامل بيغير هدومه.
